Ученици во Кавадарци донираа стара употреблива облека, за да се намали отпадот од текстил и да се покрене еколошката свест. Во ООУ Страшо Пинџур, освен собирање облека, имаше акција и за собирање и селекција на хартија, стакло и пластика, за рециклажа и реупотреба.
„Активностите се дел од поголемата акција за генералка викенд. Училиштето се ангажираше со практично собирање и селектирање на отпад за зачувување на животната околина и организирање на еколошки час, за споделување на повеќе информации околу важноста на екологијата и чистата животна средина за здравјето на луѓето,“ истакнаа од училиштето.
За еко акцијата околу собирање и сортирање на отпадот беше задолжена наставничката Стефка Саздовска, а за еколошкиот час, Мимоза Крстева.
„Грижата за природата и за околината се учат од мали нозе и токму затоа даваме максимум да им укажеме на нашите ученици колку е значајно да се грижат за животната околина и да прават што е можно помалку отпад, затоа што немаме резервна планета,“ рече Саздовска, координаторка на еколошката секција.
Р.Л
