Кавадарци за утре најави настан со кој ќе се оддаде почит на настраданите во пожарот во дискотека во Кочани, а Неготино повика на донации во врска со оваа трагедија.
„Ги повикуваме кавадарчани, со цвеќе или свеќа, да дојдат во 12 часот на градскиот плоштад“, се вели во објавата од организаторите на настанот во Кавадарци, објавена на интернет.
На Фејсбук страница посветена на градот Неготино, се апелира за донирање за ужалените семејства со починати и повредени деца.
„Секој што може да остави како донација во форма на аналгетици, мелеми за изгореници, чиста памучна постелнина, завои, течности за отоци и слично, слободно пишувајте предлоз“, пишува во објавата.
За оваа седмица имаше закажано бројни настани во Кавадарци, кои, заради трагедијата, се откажани.
Р.Л
